නිසසල හරිත වන පියසෙහි අරම මැද
මහ කළු ගලක පාමුල හිඳ ඇඳිලි බැඳ
බැතිබර නෙතින දැහැනට සම වැදුන ලෙද
ඔබ ළෙහි වෙසෙන බුදු හිමි රුව නෙලනවද?
මෙත් දහරා ගලා යන අඩවන් නුවන
කරුණාබර උවන ලොව සිහිලස දෙවන
මහ කළු ගලක රළු බව අතරින් මවන
විස්කම් දෙඅත සිප සනහයි මද පවන
සුරලොව වෙසෙන විස්කම් දිව පුතු මෙන්නේ
සිත දිරි බලය කැටි කොට ගත් දෙඅතින්නේ
දන මන සනසවන සුදසුන් මවමින්නේ
කෙලෙසද නිසල කළු ගලකට පණ දුන්නේ?
බුදු නුවනින් ගලන කරුණා දහරාවේ
බැතිබර වූ ඔබේ සිත කමලම නෑවේ
එසිතෙහි රැව් දෙනා සම්බුදු ගුණ රාවේ
අනුහස් මහිමයෙනි ඔබ විස්කම් පෑවේ
කළු ගල් කුළක දැඩි බව රළු පරළු බව
ඔබ'තින් මැඩිනි ලැබදී මටසිලිටි රුව
බැතිබර ඔබ දෙඅත අබියස මෙලක නොව
කළු ගලකට පවා හිඳිනට නොහැක තව……………….
No comments:
Post a Comment